منتديات أبوفارس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات أبوفارس لجميع ما تتمناه

عن شداد بن أوس ‏‏رضي الله عنه ‏عن النبي ‏ ‏صلى الله عليه وسلم ‏‏سيد ‏‏الاستغفار أن تقول{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت} قال ومن قالها من النهار موقنا بها فمات من يومه قبل أن يمسي فهو من أهل الجنة ومن قالها من الليل وهو موقن بها فمات قبل أن يصبح فهو من أهل الجنة  .رواه البخاري

المواضيع الأخيرة

» لا يمكنني الرد في قسم:
قصة محزنة عن أصدقـاء Emptyالخميس يناير 13, 2011 1:11 am من طرف TooOooP

» نبذة عن الأنبياء الذين ذكرو في القران
قصة محزنة عن أصدقـاء Emptyالخميس يناير 06, 2011 11:48 pm من طرف AzooOooZ

» الصورة التي شل الله يد مصممها
قصة محزنة عن أصدقـاء Emptyالخميس يناير 06, 2011 11:20 pm من طرف AzooOooZ

» كله من الثلج
قصة محزنة عن أصدقـاء Emptyالأربعاء يناير 05, 2011 7:23 am من طرف sony3 for EvEr

» ولا الضالين قصة واقعية
قصة محزنة عن أصدقـاء Emptyالأربعاء يناير 05, 2011 7:21 am من طرف sony3 for EvEr

» ملائكة تنقذ فتاة من الاغتصاب
قصة محزنة عن أصدقـاء Emptyالأربعاء يناير 05, 2011 7:17 am من طرف sony3 for EvEr

» خانته ومازال يحبها
قصة محزنة عن أصدقـاء Emptyالأربعاء يناير 05, 2011 7:10 am من طرف sony3 for EvEr

» فساد شرطة البحرين
قصة محزنة عن أصدقـاء Emptyالأربعاء يناير 05, 2011 6:59 am من طرف sony3 for EvEr

» صورةاول مرة اشوفها
قصة محزنة عن أصدقـاء Emptyالأربعاء يناير 05, 2011 6:44 am من طرف sony3 for EvEr

التبادل الاعلاني


2 مشترك

    قصة محزنة عن أصدقـاء

    ( M فـإألـح العجم ـي M )
    ( M فـإألـح العجم ـي M )
    عضو مميز
    عضو مميز


    عدد المساهمات : 81
    تاريخ التسجيل : 24/10/2010

    قصة محزنة عن أصدقـاء Empty قصة محزنة عن أصدقـاء

    مُساهمة  ( M فـإألـح العجم ـي M ) الإثنين ديسمبر 27, 2010 8:56 pm

    **السلام عليكم ورحمة الله وبركاته



    جبت لكم هاذي القصه وصدقوني راح تعجبكم
    خالد و أحمد**



    خالد و أحمد اعز أصاحب من خلقوا ع هذا الأرض واهم مع بعض...روحان بجسد واحد ...توأمان ...شنو اقدر أقول عنهم...إخوان من أمان مختلفان وآباء مختلفان..من دخلوا المدرسة واهم كل شي يسونه مع بعض الملابس يشترون نفس الشي...وإذا احمد أو خالد معه شي والثاني ما معه يعطيه حقه...يخاف انه يزعل عليه أو يمسك ف قلبه..
    خلصوا الابتدائية والثانوية وجابوا نسب الحمد لله تأهل للدراسة بالخارج...ودخلوا بنفس الجامعة لين رجعوا حاملين الشهادة تفرح اهاليهم ....
    كان خالد دائما يقول لأحمد ((احمد أنت اخوي ))**
    يرد احمد ضاحكا((ليش عندك شك بهذا الشي ؟؟؟))**
    ابتسم خالد((لا ما عندي شك)) ....

    جاء اليوم اللي خطب فيه احمد اتصل ف خالد أكثر من مره يبي يبشره بس خالد ما يرد ع جواله وركض احمد لبيت صديقه فرحان يبشره..وكان متاكد انه راح يفرح له...ضرب جرس البيت وخرجت الخدامة ...
    احمد((وين بابا خالد؟؟))**
    الخدامة((بابا خالد مافي هنا يروح))**
    احمد((وين يروح ؟؟؟))
    الخدامة((مافي معلوم))
    احمد مبتسم((أنزين إذا يجي قل مشان هوا يتصل علي ))
    الخدامة ((اوكي))
    وفي اليوم الثاني كان احمد سهران ينتظر اتصال خالد ...وقلق عليه كثير...رن الجوال وركض احمد مثل المجنون وكان الاسم ((توأمي))احمد بسرعة((الو خالد الله يهداك وينك من أمس اتصل عليك أقلقتني الله يهداك...خالد وينك؟؟؟))
    خالد وصوته مخنوق كأنه يبكي ((معاك))
    احمد بخوف((خالد وش بك؟؟؟ ليش صوتك مخنوق))
    خالد ((ما فيني شي...صحيح مبروك يا كلب راح تتزوج ها))
    احمد مبتسم((الله يبارك فيك...بس ها مثل ماكنى نقول زمان...نتزوج مع بعض...بنفس اليوم))
    خالد خنقته العبرة((إيه ))
    احمد((خالد وش فيك؟؟؟؟ عمي به شي عمتي..أنت ))
    خالد عرف إن احمد كشفه...واشلون ما يكشفه وهذا اعز صديق بالنسبه له...اشلون ما يعرف وهذا من فتح أعيونه ع الدنيا واهووا يشوفه((احمد أنا محتاج أشوفك))
    احمد((ألحين أجي لك ف البيت))
    خرج احمد من البيت مثل الشخص المجنون..وراح لبيت خالد..ولمن فتح خالد الباب حضن احمد وجلس يبكي ...واحمد يهديه....وش فيه صديقه ...وش فيه اخوه...وش فيه توامه...ليش اهووا منهار كذا...
    ندم احمد ع انه جاء لخالد...ندم لانه جاء له....الحين احس بالخوف ولا يريد يعرف السبب...حس ان بكاء خالد وراه مصيبه..مسك احمد اعصابه ووضع يده ع ظهر صديقه واخوه وشد عليه ...
    أحمد((وش اللي مضيق صدرك ياخوي؟؟؟ياعساه الهم اللي فيك فيني...ولا يضايق عليك كذا...وش فيك؟؟))
    خالد((انا تعبان))
    احمد((اعطيني اشوي من التعب ...احمله عندك عشان يخفف عليك...خلينا نتقاسم هذا التعب))
    خالد((بعيد الشر عنك))
    احمد((خالد تكلم وش فيك))
    خالد((اكتشفت امس اني مصاب بمرض سرطان الدم...وفي مرحله متاخرة))
    انصدم احمد وفتح اعيونه ع كبرها...اكيد مقلب مقلب((ماراح اصدقك لان اكيد هذا مقلب من مقالبك))
    خالد((......))
    احمد يصارخ عليه((خالد انا ميه مره حذرتك من هل المقالب ....تصدق انا الغلطان اني جيت لك..انا رايح))
    خالد ((احمد احمد))
    تركه احمد ودخل البيت يبكي بصوت عالي ...و مازال احمد مصر انه مقلب...بس فكر مجرد تفكير انهم راح يفترقوا...
    خرجت ام احمد وابواحمد...
    ابواحمد((احمد ليش تصيح وانا ابوك))
    احمد رفع عيونه لابوه وقال((اذا مات خالد انا اموت وراه والله اموت وراه...ولان العيشه ماتسوى من غيره))
    ودخل غرفته...وجلس اسبوع مايطلع ولا ياكل ..ولايرد ع مكالمات خالد....
    لين دخل خالد عليه وجلس بجانبه((بعدك مصر انه مقلب))
    احمد((.....))
    خالد((انا ماكذب عليك ...والدكتور يقول انه بقى لي شهر والله اعلم))
    احمد ودموعه ع خده((وين الاتفاق اللي اتفقنا عليه ))
    خالد((هذا إرادة الله مانقدر نعترض عليها))
    احمد ((الحين الطب تطور نقدر نسافر ونعالجك))
    خالد((انا كنت اعرف من شهرين اني مريض ماتركت مستشفى الارسلت له اوراقي...والكل اتفق انه خلاص متنشر بجسمي ...يعني مايفيد))
    احمد((.....))
    خالد((احمد انا طالبك..قدم زواجك ودي احضره قبل ماموت..انا من عرفت انك خطبت وانا ابكي اخاف اموت ولا احضر زواجك ياخوي))
    احمد يبكي((يعني كنت تبكي مب من الخوف من الموت ...كنت تبكي خايف ماتحضر زواجي))
    حضنه خالد((وانا من لي غيرك ياخوي))
    بكى احمد من قلبه ...وقدم عرسه وخلاه بعد شهر ...وليلة عرسه رقص خالد من قلبه وكل شوي يحضن احمد واحمد دموعه ع خده تنزل ...والكل ساكت يعرف بحاله خالد...
    ولمن جاء زفه احمد قال خالد((والله ماحد يزفك غيري))
    احمد ودموعه مانزلت وحضنه((اكيد انت اللي راح تزفني ))
    خالد((مبروك يابوخالد))
    احمد ((الله يبارك فيك يابو احمد))
    وانزف احمد وخالد رقص فرحان باخوه ...
    احمد مسك خالد((خلاص ياخوي ارهقت نفسك))
    خالد((اتركني اطلع اللي بقلبي))
    احمد((ارتاح شوي))
    خالد((انا مرتاح كذا))وانتهى العرس بعد توديع خالد لاحمد..وف اليوم الثاني الساعه 7 الصبح...كان احمد حاس بضيق..بعد ماسهر اليل كله يكلم زوجته عن خالد نامت زوجته واهي حاسده خالد طلع احمد من الفندق وراح لبيت خالد..محتاج له يبي يشبع منه قبل مايروح..واكتشف احمد ان خالد ف المستشفى ينازع الحياه...ركض له ولمن دخل الغرفه ..
    احمد مسك يد اخوه((افا تروح ولا تبي تودعني))
    فتح خالد اعيونه((وش جابك ياعريس))
    احمد((كنت من اول حاس ياخوي ان بك ششي))
    خالد((انتبه ع روحك يا احمد تراك غالي))
    احمد ((ان شاء الله))
    خالد ((تعرف وش نفسي فيه الحين))
    احمد((وش))
    خالد((نرجع لايام اول ....تذكرني ياخوي واحكي لي وش كنى نسوي..قوله لي))
    احمد((ليش تريد تعرفها ...وانت متاكد انه كل شي سوينها محفور بقلبك))
    خالد مبتسم((وش اسوي ابي قصه قبل النوم))
    احمد((ههههه...أبشر من عيوني ياخوي ....تذكر ياخالد لمن كنا بفصل واحد وجاء المدير فرقنا عن بعض))
    خالد((اذكر ....جلست طوال الوقت اترجاه يرجعنا ...عملت مشكله))
    احمد((ولا تتذكر رحلتنا للبحر...كيف سهرنا الليل كله نشعر ونغني ونصيد السمك))
    خالد((ولا رحلاتنا للبر))
    احمد((ولا لمن مرضت انا اقسمت بالله ان مااحد يجلس معي الا إنت ...وهبلت ف الممرضه))
    خالد غمض اعيونه((الله ع ذيك الايام))**
    وجلسوا يتذكرون ايام زمان ووفي اليوم الثاني ...صحى احمد وشاف خالد نايم راح يغسل وجهه وصلى ...دخل الدكتور يفحصه...وخذ البطانيه ووضعها ع وجهه ...
    احمد مستغرب((خير دكتور))
    الدكتور((البقيه بحياتك))
    انصدم احمد ان صديقه راح ...مات خالد بهدوء ...راح احمد له وحضنه وجلس يبكي بصوت عالي ((اخوي ...اخوي راح ...خالد ...خالد ...خالد لاتروح ياخالد...انا مابي من هل الدنيا غيرك انت ياخوي...خالد ...ياخالد رد علي ...رد علي تكفى**
    مر اليوم وانتشر الخبر ان خالد مات...وغسل احمد خالد ودموعه تنزل وتنزل...ولمن دخلوا القبر حلف ان ماحد ينزله الا اهووا احمد ...
    وبعد ماراحوا جلس احمد ع قبر خالد يدعي له والشيخ معاه...
    الشيخ((خلاص يا احمد ...تقبل حكمه الله ...وكلنا راح نروح من الدنيا هذه))
    احمد((بس هذا خالد...انا مقدر اعيش من غيره ياشيخ))...
    الشيخ((قوم معاي خلينا نرجع البيت)) ...
    احمد ((لا باجلس هنا معاه ...انا اخاف ارجع البيت ... البيت كله يذكر بخالد ))**
    الشيخ((عيل خلينا نروح المسجد ...مافي مكان افضل منه للراحه))
    مشى احمد مع الشيخ وجلس يقري القران ويبكي ...وبعدها دخل البيت...دخل ع زوجته ...وقال لها((انا اول طفل لي راح اسميه خالد)) ودخل ينام....
    وبعد اسبوع دخلت زوجته ع احمد تصحيه ما صحى احمد...واكتشفوا انه مات ع سريره....ماقدر يعيش من غير صديقه...
    وكانت زوجة احمد حامل ...وولدت وجابت ولد سمته خالد مثل ماتمنى احمد
    وهذا قصه صداقه مابين احمد وخالد

    sony3 for EvEr
    sony3 for EvEr
    عضو مميز
    عضو مميز


    عدد المساهمات : 138
    تاريخ التسجيل : 09/12/2010
    العمر : 27
    الموقع : www.kooora.com

    قصة محزنة عن أصدقـاء Empty رد: قصة محزنة عن أصدقـاء

    مُساهمة  sony3 for EvEr الإثنين ديسمبر 27, 2010 9:08 pm

    والله ماشفت زي الأخويا هاذول



    قصة محزنة عن أصدقـاء 522px-CoDBO_FinalBoxArtPS3

      الوقت/التاريخ الآن هو الخميس مارس 28, 2024 9:04 pm